Almatyda 20 shaqyrym jylý jelisi jóndeledi
ALMATY. QazAqparat – Bıyl Almatyda 20 shaqyrym jylý jelisi jóndeledi. Ótken jyly 16 shaqyrym jańartylǵan. Bul týraly qalalyq energotıimdilik jáne ınfraqurylymdyq damý basqarmasy málim etti, dep habarlaıdy QazAqparat tilshisi
«2020 jyly 16,1 shaqyrym jylý jelisi konstrýktsııalandy, jospar boıynsha jóndelgeni 14,3 shaqyrym. Bul tozýdy 0,2%-ǵa tómendetýge múmkindik berdi», - deıdi Almatynyń energotıimdilik jáne ınfraqurylymdyq damý basqarmasy basshysynyń orynbasary mindetin atqarýshy Berik Jambylov.
Onyń aıtýynsha, 2021 jyly uzyndyǵy 20 shaqyrym (9 shaqyrym rekonstrýktsııalaý, 11 shaqyrym jóndeý) jylý jelilerin rekonstrýktsııalaý jáne jóndeý josparda.
«Bıyl qazandyq qýatyn jalpy 55 Gkal-ǵa, 135-ten 190 Gkal-ǵa ulǵaıta otyryp, «Ońtústik aýdandyq qazandyqty qaıta jańartý» obektisin aıaqtaý josparlanýda. Bul qalanyń ońtústik bóligindegi jylý energııasynyń tapshylyǵyn tómendetýge múmkindik beredi. Sondaı-aq, Naýryzbaı aýdanyndaǵy «Premera» MTJ, «Elim Aı» MTJ, «Elıseıskıe polıakı» KG jalpy quny 8,13 mlrd teńge qazandyǵyn keńeıtý kózdelgen. Jobany iske asyrý qosylǵan kentterdiń tutynýshylarynyń júktemesin jabýǵa sep bolmaq «, - dedi Berik Jambylov.
Sonymen birge, qalanyń ońtústik bóligin jylýmen sapaly qamtý úshin Ońtústik aýdandyq qazandyq jańartylatyn bolady.
