Almatyda 20 sáýirden bastap jylý berý kezeń-kezeńimen óshiriledi
ALMATY. QazAqparat - Almaty ákimdigi 20 sáýirden bastap jylytý maýsymyn aıaqtaý týraly sheshim qabyldady, dep habarlaıdy QazAqparat tilshisi.
Almaty ákimdigi qalada gıdrometeorologııalyq qyzmet kúntizbelik 5 kún ishinde belgilegen syrtqy aýanyń ortasha táýliktik temperatýrasy +8 °S jáne odan joǵary bolýyna baılanysty 20 sáýirden bastap 2022-2023 jyldary jylytý maýsymyn aıaqtaý týraly sheshim qabyldady.
Tutynýshylardy jylýdan ajyratý kelesideı kezekpen iske asady:
1) ákimshilik ǵımarattar, oqý oryndary, teatrlar, ózge de ǵımarattar;
2) turǵyn úıler (turǵyn ǵımarattar, jataqhanalar, qonaq úıler);
3) áleýmettik nysandar (balalar, emdeý, mektep mekemeleri, kásiptik mektepter, medıtsınalyq-áleýmettik mekemeler).
«Almaty jylý jelileri» JShS abonenttiń jylý qondyrǵylary men «AlJJ» JShS arasynda shetelde paıdalaný jaýapkershiliginiń teńgerimdik tıesiligi men paıdalaný jaýapkershiliginiń shekarasynda ajyratýdy júrgizedi.
«Tutynýshynyń basqarýshy kompanııasy (PIK/MIB), ol bolmaǵan kezde osy qyzmetterdi oryndaıtyn uıymdar abonenttiń jylý pýnktinde jylýmen jabdyqtaýdy óshiredi. Jylýmen qamtý jónindegi qyzmetterdi usyný qaǵıdasyna sáıkes, úıleri jylý energııasyn esepke alýdyń jalpyúılik aspaptarymen jabdyqtalmaǵan jylý energııasyn tutynýshylarǵa kelesi jylytý maýsymy bastalǵanǵa deıin rettelip kórsetiletin qyzmet úshin aqy tóleý kezinde tarıfti tómendetý jolymen ótken jylytý maýsymy úshin qaıta esepteý júrgiziledi», - dep habarlady ákimdikte.
