Almatyda 20 kúnniń ishinde 113 myńǵa jýyq azamat tirkeýden ótti
ALMATY. QazAqparat - Almaty qalasynyń Kóshi-qon polıtsııasy basqarmasy 5-24 qańtar aralyǵynda Halyqqa qyzmet kórsetý ortalyqtary arqyly 112 638 azamat tirkelgenin, onyń 91 188-i ýaqytsha tirkeýge, 21 450-i turaqty tirkeýge turǵanyn málim etti, dep habarlaıdy QazAqparat tilshisi ІІD baspasóz qyzmetine silteme jasaı otyryp.
«Alataý aýdany boıynsha tirkeýge turǵandar sany kóp. Bul aýdanda 20 146 adam tirkelse, Áýezov aýdanynda - 19 686, Jetisý aýdanynda 13 012 adam tirkeldi. Azamattardyń belsendiligi dál osy aýdandarda baıqalady. Sonymen qatar, Elektrondy úkimet portaly arqyly 1 161 adam tirkeýden ótti. Barlyq HQKO-darda halyqqa qolaıly bolý úshin Kóshi-qon polıtsııasynyń 8 qosymsha qyzmet kórsetý orny ashyldy.
Aıta keteıik, azamattar ýaqyttaryn joǵaltpaý úshin ózine jaqyn qaladaǵy kez kelgen HQKO-ǵa tirkelý júrgizilip jatyr. Sonymen birge, ýaqytsha tirkelýshilerdi turǵyn úı ıesi ózi-aq tirkeı alady», - dedi qalalyq ІІD Kóshi-qon polıtsııasy azamattardy tirkeý jáne qujattandyrý bóliminiń basshysy, polıtsııa polkovnıgi Aıken Qasymova.
