Almatyda 20-dan astam medıtsına mekemesi qyzmet qunyn zańsyz kótergen
Qarastyrylǵan sharalar nátıjesinde týberkýlezge qarsy kúres dıspanserinen anyqtama berý quny eki ese (500 teńgeden 250 teńgege) tómendetildi.
Taldaý nátıjesi boıynsha, budan tys taǵy 22 medıtsına mekemesinde anyqtama qunyn qoldan qymbattatqan.
«Qala prokýratýrasy engizgen aktiler kórsetilgen qyzmet baǵasyn arzandatýǵa múmkindik berdi. Atap aıtqanda, AITS-ke qarsy kúres jáne aldyn alý ortalyǵynda basqa qalalardan kelgen azamattarǵa anyqtama berý quny 650 teńge bolǵan. Bul tólem joıyldy. Narkologııalyq ortalyq anyqtamasynyń quny 250 teńgeden 180 teńgege, psıhıatrııalyq densaýlyq ortalyǵy anyqtamasy 250 teńgeden 205 teńgege deıin arzandatyldy. Budan tys, 19 emhananyń 083 jáne 086 forma anyqtamalaryn berý qyzmetiniń quny aıtarlyqtaı tómendetildi», - deıdi prokýratýra qyzmetkerleri.
Buǵan kináli medıtsına qyzmetkerleri tártiptik jaýapkershilikke tartyldy.
Statıstıka boıynsha, atalǵan anyqtamalardy jyl saıyn 10 myńnan astam azamat alady eken.