Almatyda 20-21 maýsymda aýqymdy dezınfektsııa jasalady
Almaty ákimdiginiń baspasóz qyzmeti taratqan aqparatqa sáıkes, barlyǵy 494 nysanda dezınfektsııa júrgiziledi.
Alataý aýdanynda - 8 bazar, 11 saýda ortalyǵy, 4 skver;
Almaly aýdanynda - 6 bazar, 29 saýda ortalyǵy, 47 sport nysany jáne fıtnes ortalyqtar, 1 saıabaq, 22 skver, 5 býlvar, 17 jasyl aımaq;
Áýezov aýdanynda - 4 bazar, 32 saýda ortalyǵy, 30 fıtnes ortalyq, 1 saıabaq, 3 skver jáne 1 býlvar.
Bostandyq aýdanynda - 31 saýda ortalyǵy, 59 sport nysany jáne fıtnes ortalyq, 4 saıabaq, 3 skver, 4 býlvar, 3 jaǵajaı;
Jetisý aýdanynda - 16 bazar, 15 saýda ortalyǵy, 15 fıtnes ortalyq, 1 saıabaq;
Medeý aýdanynda - 2 bazar, 19 saýda ortalyǵy, 31 fıtnes ortalyq, 2 saıabaq, 1 skver;
Naýryzbaı aýdanynda - 3 bazar, 2 saýda ortalyǵy, 3 fıtnes ortalyq, 2 saıabaq, 1 skver;
Túrksib aýdanynda - 6 bazar, 7 saýda ortalyǵy, 10 fıtnes ortalyq, 3 saıabaq, 11 skver, 1 jaǵajaı zararsyzdandyrylady.
«Almaty Tazalyq» MKK jáne aýdandardyń merdigerlik uıymdarynyń kúshimen kóshelerge, saıabaqtar men skverlerge, trotýarlarǵa, kóshe ýrnalary men oryndyqtarǵa, aıaldamalarǵa, bankomattarǵa, termınaldarǵa, jer asty jáne jer ústi ótpeli joldarǵa keń kólemdi dezınfektsııa júrgiziletin bolady.
Bul jumystarǵa 70 tehnıka men 150 adam jumyldyrylady. Dezınfektsııalyq óńdeý úshin adamdar men janýarlarǵa eshqandaı qaýip tóndirmeıtin 4-shi synypty qaýipsiz preparattar qoldanylady.
Saýda jáne qyzmet kórsetý oryndaryn dezınfektsııalaýdy menshik ıeleri ózderi júrgizedi.
Dezınfektsııalaý jumystary 20-21 maýsymda taǵy saǵat 8.00 den 18.00-ge deıin júrgiziledi.