Almatyda 2 jolaýshylar avtobýsy soǵylyp, bir adam zardap shekti

ALMATY. QazAqparat - Almatyda eki jolaýshylar avtobýsy men taksıdiń qatysýymen jol apaty boldy, dep habarlaıdy QazAqparat tilshisi.

Jol apatynyń vıdeosy áleýmettik jelide paıda boldy.

«Tóle bı kóshesinde eki avtobýs pen taksı bir-birine soǵyldy», - jelegi delingen habarlamada.

Qalalyq Polıtsııa departamentiniń baspasóz qyzmetiniń málimetinshe, jol-kólik oqıǵasy 3 aqpan kúni tańǵy saǵat 08:20 shamasynda bolǵan.

«Yutonq» markaly avtobýstyń M. esimdi júrgizýshi Tóle bı kóshesimen batys baǵytta ketip bara jatyp N.Tilendıev kóshesiniń mańynda ara qashyqtyqty saqtamaýdyń saldarynan «Geely» jeńil kóligine soǵyldy. Soqqynyń áserinen «Geely» avtokóligi ınertsııamen «LIAZ» markaly avtobýsqa baryp soǵyldy», - dedi Almaty qalalyq PD tergeý basqarmasynyń bastyǵy Oljas Sháripov.

Osy jol-kólik apaty saldarynan «Gelly» kóliginde otyrǵan 31 jastaǵy jolaýshy jaraqat alyp, Almatydaǵy jedel járdem aýrýhanasyna tekserilýge jetkizildi.

Atalǵan fakti boıynsha Almaly aýdandyq polıtsııa basqarmasy tergeý júrgizýde.