Almatyda 2 zańsyz oıyn zaly anyqtalyp, 51 apparat joıyldy
ASTANA. 28 naýryz. QazAqparat Almaty qalasynda 2 jasyryn oıyn zaly anyqtalyp, 51 apparat joıyldy. Bul týraly búgin QR ІІM Til saıasaty jáne aqparat departamentiniń bastyǵy Nurdildá Oraz málim etti.
«Almaty qalalyq ІІD Uıymdasqan qylmysqa qarsy kúres basqarmasynyń qyzmetkerleri jedel izdestirý is-sharalaryn ótkizip, ashananyń ishinde jasyryn jumys jasap turǵan oıyn avtomattary zalyn anyqtady. Tekserý kezinde 22 oıyn avtomattary anyqtalyp, alyndy», - dedi ol.
Resmı ókildiń atap ótýinshe, kelesi kúni júrgizilgen sharalar barysynda qala dámhanalarynyń birinde 29 oıyn apparaty bar taǵy bir jasyryn oıyn avtomattary zaly anyqtalyp, joıylǵan.
«Uıymdastyrýshylardy izin sýytpaı anyqtaý jáne ustaý múmkindigi bolmady. Operator-kassırlerge qatysty «eshqaıda ketpeýi týraly» bultartpaý sharasy qoldanyldy. Tergeý júrgizilýde», - dedi N.Oraz.
