Almatyda 2 úı jáne avtomobıl órtendi
ALMATY.QazAqparat-Almatyda avtokólik pen 2 úı órtendi dep habarlaıdy, QazAqparat QR ІІM Tótenshe jaǵdaılar komıtetine ne silteme jasap.
Atalǵan mekemeniń málimetinshe, órt oqıǵasy 23 maýsym kúni saǵat 12.17 -de bolǵan.
«Pokryshkın kóshesinde avtokólik órtengen. Odan shyqqan jalyn jeke turǵyn úıdi sharpydy, odan ári ot eki qabattty turǵyn úıdiń shatyryna ulsaqan. Órt Jangeldın kóshesinde ornalasqan jeke turǵyn úıdiń shatyryna zııanyn tıgizgen»,-dedi tótenshe jaǵdaılar komıtetindegiler.
Órt saǵat 12.42-de aýyzdyqtalyp, 12.59-da tolyqtaı sóndirildi. Órtengen aýmaq 290 sharshy metr. Oqys oqıǵadan qurban bolǵandar men zardap shekkender joq. Tilsiz jaýdy sóndirýge 22 qutqarýshy men 5 tehnıka kúshi jumyldyrylǵan.
«Oqıǵa týraly habar der kezinde jetpegendikten, biraz aýmaqty jalyn sharpydy. Soǵan qaramastan qutqarýshylar habarlamas túsken soń 4 mınýtta oqıǵa ornynda boldy»,-dep málimdedi mekemeden.
Aldyn ala boljam boıynsha - ottyń taralýyna avtokólikti jóndeý kezindegi dánekerleý jumystary sebep bolǵan.
