Almatyda 2 myńnan astam polıtseı koronavırýsqa qarsy vaktsına aldy
ALMATY. QazAqparat- Almatyda eki myńnan astam polıtsııa qyzmetkeri Covid-19-ǵa qarsy vaktsınatsııalandy, dep habarlaıdy QazAqparat tilshisi.
Polıtsııa departameniniń málimetinshe, Almaty polıtsııasy qyzmetkerlerin vaktsınatsııalaý 10 naýryzda bastaldy. Bir apta ishinde eki myńnan astam tártip saqshysy koronavırýsqa qarsy ekpe saldyrdy.
«Birinshi kezekte – qatardaǵy bólimderdiń qyzmetkerleri: patrýldik polıtsııa, ýchaskelik ınspektorlar jáne táýlik boıy kezekshilik etetin jáne aldyńǵy qatarda turǵan ıývenaldy polıtsııa ókilderi. Ári qaraı vaktsınany aýdandyq Polıtsııa basqarmalarynyń qyzmetkerleri aldy, olar da turǵyndarmen tyǵyz baılanysta. Maqsat – jeke quram arasynda juqtyrý men koronavırýstyq ınfektsııanyń taralý qaýpin boldyrmaý. Arnaıy keste jasaldy, qyzmetkerler qalanyń ártúrli emhanalaryna bólindi – bul óte yńǵaıly jáne kezekterdiń paıda bolýyn boldyrmaıdy», – dedi Almaty qalalyq Polıtsııa departamenti bastyǵynyń orynbasary Ábdýalı Nasharbekov.
Spıkerdiń aıtýynsha, polıtseıler úshin vaktsınalar jetkilikti. Naýryz aıynyń sońyna deıin Almaty qalalyq PD jeke quramyna vaktsına egý josparlanǵan.
«Men vaktsınany jańa ǵana aldym. Buǵan deıin meni mamandandyrylǵan dárigerler qarady, olar qarsy kórsetilimderdiń joqtyǵyn anyqtady. Men eń aldymen, jeke qaýipsizdik pen ómirim úshin, jaqyndarymnyń densaýlyǵy úshin jasadym. Saqtanǵandy Qudaı saqtaıdy! Polıtsııaǵa alǵashqylardyń biri bolyp tegin vaktsınany usynǵan ákimdikke rahmet», – dedi Bostandyq aýdandyq PB ıývenaldy polıtsııa bóliminiń bastyǵy Tolqyn Sarqytqanova.
