Almatyda 2 myńnan astam baǵyt boıynsha patrýl júrgiziledi
ALMATY. QazAqparat – Almatyda turǵyn úı aýlalaryndaǵy tártipti qaladaǵy patrýl qyzmetkerleriniń teń jartysy qadaǵalaıtyn bolady. Bul týraly brıfıng barysynda qalalyq Polıtsııa departamentiniń basshysy Qanat Taımerdenov aıtty, dep habarlaıdy QazAqparat tilshisi.
Onyń aıtýynsha, Almaty polıtsııasy júrgizilgen taldaý nátıjeleri boıynsha Patrýldik polıtsııa polki quramynyń 50% qalanyń kósheleri men aýlalaryna baǵyttaý týraly sheshim qabyldady.
«102 patrýldik aımaq anyqtaldy. Qalada jalpy 2020 patrýldik baǵyt jasalǵan, olardyń 478-ine sholǵyndaý avtokólikpen, 1487-ine jaıaý júrgiziledi. 550 baǵyt boıynsha eki aýysymda 2 myńnan astam polıtsııa qyzmetkeri kún saıyn qoǵamdyq tártipti kúzetedi. Jaıaý patrýldeý engizilgen sátten bastap atalǵan aımaqtarda qylmystardy tirkeý 16,5% azaıdy», - dedi Qanat Taımerdenov.
Sonymen qatar ol tártipti saqtaýǵa 1 qoǵamdyq qurylym men ártúrli uıymdardyń 7 komandasy qatysatynyn atap ótti. Olardyń kómegimen 39 qylmys ashylyp, 4 214 ákimshilik quqyq buzýshylyq anyqtaldy.
