Almatyda 2 myńnan astam aǵash otyrǵyzyldy
ALMATY. Qarashanyń 18-i. QazAqparat /Ádilet Musahaev/ - Almatyda qazannyń 23-nen beri «Almaty qalasynda jasyl jelekterdi qorǵaý men ustaý erejeleri» talaptaryna sáıkes keletin 2 myńnan astam aǵash otyrǵyzyldy,
dep habarlaıdy QazAqparat Tabıǵı resýrstar jáne tabıǵatty paıdalanýdy retteý basqarmasyna silteme jasap.
Almaty qalasy tabıǵı resýrstar jáne tabıǵatty paıdalanýdy retteý basqarmasymen 2009 jylǵa magıstraldy kósheler men qoǵamdyq oryndarda 22 myńnan astam aǵash otyrǵyzý josparlanǵan, onyń ishinde 5311 kóshet bıýdjettik quraldar esebinen.
Kóktem kezinde qalanyń jalpyqalalyq aýmaqtarynda uıymdar men mekemeler esebinen 9500-den astam aǵashtardyń kóshetteri otyrǵyzyldy, olardyń 7583-i - japyraqty, 1824-i - qylqan japyraqty.
Qazannyń 23-de Almaty qalasy ákiminiń ókimi boıynsha jasyl jelekterdi kúzgi-qysqy otyrǵyzý bastalǵan bolatyn. Bul sharanyń ashylýy kezeńinde Qazaq sańyraýlar qoǵamy Raıymbek dańǵyly boıynda 40 qaraǵaı, 20 jóke jáne 160 buta otyrǵyzǵan edi. Sondaı-aq qarashanyń 7-si kúni Dýlatı kóshesindegi baqta 100-den astam qaraǵaı jáne Ál-Farabı dańǵyly - Baǵanashilde - 100 qaıyń, Shevchenko kóshesinde 87 qaraǵaı otyrǵyzylǵan bolatyn. Osy sharanyń jalǵasy búgin 7-shi qalalyq klınıkalyq aýrýhana aýmaǵynda jalǵasty. Munda 100 qaıyń men 20 shyrsha otyrǵyzylmaq. Aýrýhana qaıta jóndeýden ótken soń qosymsha 200 kóshet otyrǵyzý josparlanýda.
