Almatyda 2 myńnan astam aǵash kesiledi
ALMATY. QazAqparat - Almatynyń Býtakovka shatqalynda 2280 eýropalyq shyrsha kesiledi, dep habarlaıdy QazAqparat tilshisi.
Іle-Alataý ulttyq parkiniń málimeti boıynsha, qyrkúıek aıynda Medeý fılıalynyń Kamenka orman sharýashylyǵynyń 7,6 ga alańynda 526,6 tekshe metr aǵashtardy sanıtarlyq talapqa saı kesý jumystary júrgiziledi.
«Aǵashtardy kesý QR AShM orman sharýashylyǵy jáne janýarlar dúnıesi komıtetiniń ruqsatymen, Orman kodeksiniń 93-baby boıynsha júzege asyrylady. Osy máselege qatysty qoǵamdyq tyńdaýlar ótkizildi», - dep habarlady vedomstvodan.
Sanıtarlyq aǵash kesý arqyly, basqa aǵashtardyń turaqtylyǵy artady. Olardyń ónimdiligin jaqsarady. Sondaı-aq, bul jumystar zııankesterdiń sanyn azaıtyp, aýrýlardyń juqpalylyǵyn tómendetý úshin júrgiziledi.
2014 jyly júrgizilgen ormandy tekserý materıaldaryna sáıkes, bul ýchaskedegi aǵashtar «óli» dep sanalady.
«Tıisti organdardan ruqsattar alyndy. Biz qala turǵyndarynan júrgizilip jatqan jumystarǵa túsinistikpen qaraýlaryn suraımyz. Aǵash kesý josparǵa sáıkes jeltoqsanyń sońyna deıin aıaqtalady», - delingen parktiń habarlamasynda.
