Almatyda 2 myńnan astam adam menıngıt kúdigine ilikti
«Ózderińiz biletindeı, senbi kúni vıtse-mınıstrmen Almatyǵa baryp, barlyq ınfektsııalyq statsıonarlardy aralap shyqtyq. Áriptesterińiz de boldy, ınfektsııalyq aýrýhanalarda eshqandaı qaptaǵan aýrýlardyń joq ekenin kórdi. Tipti, palatalar bos tur. Qazirgi ýaqytta aýrýhanalarda oryn jetpeıdi deıtindeı naýqastar sany, aýrýǵa shaldyǵý deńgeıi joǵary emes», - dedi ol Úkimet otyrysynan keıin BAQ ókilderine.
Onyń aıtýynsha, ólim-jitimniń bolýyna naýqastyń kómekke kesh júginýi sebep bolǵan.
«Barlyq ólim-jitim eń birinshi kezekte naýqastyń kesh júginýinen bolyp otyr. ıAǵnı, olar medıtsına qyzmetkerlerine qaralýǵa asyqpaǵan. Máselen, sońǵy oqıǵada stýdent 3-4 kún boıy jataqhanada jatyp, dárigerge qaralmaǵan. Al dárigerge kelgen kezinde kesh boldy. Sondyqtan da ólim-jitimniń basty sebebi - medıtsınalyq qyzmetkerlerge kesh júginý», - dedi Jandarbek Bekshın.
Onyń sózine qaraǵanda, búginde Almatyda 2,2 myń adam tekserýge alynǵan.
«Qazirgi ýaqytta medıtsına qyzmetkerleriniń, bılik organdarynyń jumysy atalǵan tetiktiń (juqpanyń tasymaldaýshydan taralýy) taralýyn toqtatýǵa baǵyttalyp otyr. Osy maqsatta barlyq taralý oshaqtaryndaǵy baılanysy barlar esepke alynýda. Búgingi kúni shamamen 2,2 myń adam tekserýge alyndy. Olardyń ishinde 2 tasymaldaýshy men 3 aýrýǵa shaldyqqan adam anyqtaldy. ıAǵnı, anyqtaý jumystary qarqyndy júrgizilýde. Mine osy ádis arqyly tizbekti úzbeıtin bolamyz», - dedi Bas sanıtarlyq dáriger.
Jandarbek Bekshınniń dereginshe, aǵymdaǵy jyly elimizde menıngokokk ınfektsııasyn juqtyrýdyń 62 oqıǵasy tirkeldi. Onyń 29-y Almatyda, Shyǵys Qazaqstan men Ońtústik Qazaqstan oblystarynda. Astanada 4-teý jáne Almaty oblysynda úsheýi tirkelgen.
«Aǵymdaǵy jyldyń ótken kezeńinde 8 ólim tirkeldi. Onyń 4-eýi Almatyda, al Almaty men Ońtústik Qazaqstan oblystarynda ekiden oryn aldy. OQO-daǵy jaǵdaı qańtar aıynda tirkelgen bolatyn», - dedi ol.
Aıta keteıik, bas sanıtar aǵymdaǵy jyly qajylyqqa baratyn 2 myń adamǵa menıngıtke qarsy ekpe jasalatyndyǵyn da aıtqan bolatyn.
