Almatyda 2 myńǵa jýyq adam Konstıtýtsııa kúnine baǵyshtalǵan velojarysqa qatysty
Qatysýshylardyń arasynda qala ákimi Ahmetjan Esimov, Olımpıada chempıony, kásipqoı veloshabandoz, QR eńbek sińirgen sport sheberi Aleksandr Vınokýrov, veloqoǵamdastyqtardyń ókilderi jáne qala turǵyndary boldy.
Velojarysqa belgilengen joldyń uzyndyǵy 12 shaqyrymdy qurady. Jarys aıaqtalǵan soń Ahmetjan Esimov almatylyqtardy Konstıtýtsııa kúnimen quttyqtady.
«Budan 19 jyl buryn QR Konstıtýtsııasy qabyldanǵan bolatyn. Bul negizgi zań, árbir adamnyń quqyǵynyń saqtalýyna kepildik beredi. Biz Konstıtýtsııany jaqsy bilip, qurmet tutýymyz lazym. Ol bizge óz elimizde erkin ómir súrýge múmkindik beredi»6 - dedi qala basshysy.
Aleksandr Vınokýrov ta qalalyqtar men qala qonaqtaryn osy bir aıtýly merekemen quttyqtap, qalada velosıped áýesqoılardyń jyldan jylǵa kóbeıip jatqandyǵyn atap ótti.
««Astana Pro Team» komandasy óziniń jeńisterimen velosıped tebýshilerge qoldaý kórsetedi. Sondyqtan sportpen shyndap aınalysyńyzdar! Alǵa, Qazaqstan!» - dedi ataqty veloshabandoz.
Velojarystyń sońynda búgingi sharada úzdik nátıje kórsetken qatysýshylarǵa ár túrli atalymda estelik syılyqtar tabys etildi.