Almatyda 2 myń aıaldama tablomen jabdyqtalady – Erbolat Dosaev
ALMATY. QazAqparat – Almatyda aıaldama keshenderine tablo ornatylady. Bul týraly qala ákimi Erbolat Dosaev Jetisý aýdany turǵyndarymen kezdesýi barysynda aıtty, dep habarlaıdy QazAqparat tilshisi.
Qala ákimimen kezdesýge kelgen Jetisý aýdanynyń turǵyny qaladaǵy aıaldamalar máselesine toqtaldy.
«Qoǵamdyq kólikti jıi paıdalanýshy retinde qoǵamdyq kólikti baqylaıtyn tablo ornatýyńyzdy suraımyn»,- dedi aýdan turǵyny.
Erbolat Dosaev aıaldama keshenderin tablomen jabdyqtaý úshin bıýdjetten aqsha bólinetinin aıtty.
«Qala aıaldamalaryna tablolardy 2023 jyldan bastap qoıamyz. Kelesi jyly 2 myńdaı tablo ornatýdy josparlap otyrmyz. Bıýdjetten aqsha daıyndap qoıdyq. «Ońaı» trasporttyq holdıngimen qosylyp, avtobýstardyń júrý kestesin, nómirlerin tabloǵa engizemiz»,- dedi shahar basshysy.
Buǵan deıin Erbolat Dosaev Almatydaǵy aıaldamalar standarttalatynyn aıtqan bolatyn.
