Almatyda 2 benzovozdyń órtenýinen 9 kólik zaqymdanyp, 1 adam zardap shekti
ASTANA. Shildeniń 15-i. QazAqparat - Shildeniń 14-i kúni keshkisin Almatyda «ATP-3» JShS aýmaǵynda turǵan 3 júk kóligi órtendi,
dep habarlady QR Tótenshe jaǵdaılar mınıstrliginiń baspasóz qyzmetinen.
Tsısternasynda 10 tonna janar-jaǵarmaı materıaldary bar «KamAZ», janar-jaǵarmaısyz «DAF» benzovozdarynan jáne «Forland» júk kóliginen tutanǵan órt jóndeý tsehynyń tóbesin sharpyǵan.
Tilsiz jaý 800 sharshy metr aýmaqty sharpyǵan. Tótenshe jaǵdaı barysynda «KamAZ» kóliginiń jolaýshysyn kúıik shalyp, ol aýrýhanaǵa jetkizilgen. Sonymen qatar qyzyl jalyn tili taqaý jerde turǵan 9 jeńil kólikti de zaqymdaǵan.
«Órt QR TJM Almaty qalalyq tótenshe jaǵdaılar departamenti órt sóndirý qyzmetiniń jeke quramyndaǵy 69 maman men 19 tehnıkanyń kúshimen aýyzdyqtaldy», delingen vedomstvo aqparatynda.
