Almatyda 2 baldyq jer silkinisi sezildi

ALMATY. QazAqparat – Almatydan 17 shaqyrym qashyqtyqta jer silkindi, dep habarlaıdy QazAqparat «Seısmologııalyq tájirıbe-ádistemelik ekspedıtsııasy» JShS-ge silteme jasap.

Kezekshi operatordyń habarlamasyna sáıkes, jer silkinisi búgin, 2 sáýir kúni jergilikti ýaqytpen saǵat 16:56-da tirkelgen.

«Epıortalyǵy Almatydan 17 km qashyqtyqta, Qazaqstan aýmaǵynda ornalasqan. Energetıkalyq sanaty – 8.2. MPV magnıtýdasy – 3.6. Epıortalyq koordınattary – 43.07° s.e. jáne 76.81° sh.b. Tereńdigi - 10 km. MSK-64 baǵany boıynsha Almaty qalasynda sezilýi 2 ball boldy», - delingen habarlamada.