Almatyda 2 adamnyń ólimine sebepker bolǵan júrgizýshi qamaýǵa alyndy
ALMATY. QazAqparat- Almatyda eki adamnyń ólimine sebepker bolǵan 18 jastaǵy júrgizýshi qamaýǵa alyndy, dep habarlaıdy QazAqparat tilshisi.
«Qarasaı aýdandyq sotynyń tergeý sýdıasynyń 13 shildedegi qaýlysymen 6 shildede Almaty-Jandosov-Besmoınaq jolynyń 25 shaqyrymynda bolǵan jol-kólik oqıǵasyna sebepker bolǵan «Land Cruser» avtokóliginiń 18 jastaǵy júrgizýshisi eki aı merzimge «qamaýǵa alý» túrindegi bultartpaý sharasyn sanktsııalady «, - dep habarlady Almaty oblysy polıtsııa departamentiniń baspasóz qyzmeti.
Eske salaıyq, jol apaty 6 shilde kúni saǵat 00:10 shamasynda bolǵan. Almaty-Jandosov-Besmoınaq tas jolynyń shyǵys baǵytynda «Toyota Land Cruiser» avtokóliginiń 18 jastaǵy júrgizýshisi rýlge ıe bola almaı, qarsy jolaqqa shyǵyp ketip, «Toyota Avensis» kóligimen soqtyǵysty. Saldarynan «Toyota Avensis» avtokóliginiń júrgizýshisi men onyń 26 jastaǵy jolaýshysy alǵan jaraqattarynan sol jerde kóz jumdy.
https://www.kazinform.kz/kz/almatyda-eki-kolik-soktygysyp-2-adam-koz-zhumdy_a3811359
