Almatyda 2 adamnyń ólimine kináli júrgizýshi sot aldynda jaýap berdi
ALMATY. QazAqparat - Almatyda aıaldamaǵa soǵylyp, eki áıeldiń ólimine kináli júrgizýshige qatysty sot otyrysy ótýde, dep habarlaıdy QazAqparat tilshisi sot zalynan.
«Sotqa deıingi tergeý barysynda anyqtalǵandaı, 32 jastaǵy Aleksandr Tıpıkın 16 naýryzda mas kúıinde ári júrgizýshi kýáliginsiz Toyota Corolla kóligin tizgindegen. Tátibekov kóshesinde kele jatyp, Renault Duster kóligine soǵylyp, aıaldamada turǵan 3 jolaýshyny qaǵyp ketken. Kólik apaty saldarynan aýyr jaraqat alǵan Gýzal Esimhanova men Mereke Abenova kóz jumsa, taǵy bir jolaýshy Manarbek Toǵjanov aıaǵy synyp, aýrýhanaǵa tústi. Sonymen qatar, ol kólikti ruqsatsyz júrgizgen. Sol sebepti Aleksandr Tıpıkınge QR QK 346-babynyń 5-bólimi boıynsha aıyp taǵylyp otyr»,- dedi memlekettik aıyptaýshy Dáýren Halyqov.
Sot aldynda jastaǵy 32 jastaǵy Aleksandr Tıpıkın jaýap berip jatyr.
Aıta ketý kerek, jol apaty 16 naýryzda Medeý aýdanynda bolǵan. Kólik apatynan 2 adamnyń kóz jumyp, taǵy bir adamnyń zardap shekkeni týraly buǵan deıin jazǵan bolatynbyz.
