Almatyda 2 adam tabıǵı gazdan ýlanyp kóz jumdy
ALMATY. QazAqparat - Almatyda tabıǵı gazben jylytylatyn jeke turǵyn úıde eki adam ýlanyp kóz jumdy, dep habarlaıdy QazAqparat tilshisi.
Almaty qalalyq Tótenshe jaǵdaılar departamenti málim etkendeı, keshe 16 qańtar kúni keshki saǵat 17:50 -de TJD kezekshi bólimine Túrksib aýdany «Qaırat» yqshamaýdanynda ornalasqan tabıǵı gazben jylytylatyn jeke turǵyn úıdiń peshinen aqaý shyqqany týraly habarlama tústi.
«Joǵaryda atalǵan mekenjaıǵa jedel medıtsınalyq járdem kelgenshe 1995 jáne 1992 jyly týǵan eki adam kóz jumdy. Mamandarmen tekserý barysynda, peshttiń murjasy gaz qazandyǵyna durys bekitilmegeni jáne germetıkanyń bolmaýy anyqtaldy. Nátıjesinde, bólmege janý ónimderi men kómiptegi oksıdi jaıylǵan. Onyń saldary ólimge ákeldi»,- dep habarlady Tótenshe jaǵdaılar departametinen.
Esterińizge sala keteıik, jylytý maýsymynyń basynda gazben ýlanýdyń aldy alý maqsatynda TJD qyzmetkerleri, «QazTranGaz Aımaq», eriktiler jeke sektordaǵy úılerdi 100% aralap, 145 471 úı esepke aldy. 2021 jyldyń basynan bastap 21 myńnan astam úı qaıta tekserildi, pesh jáne gazben jylytýdy paıdalaný kezinde qarapaıym qaýipsizdik erejelerin saqtaý boıynsha túsindirý jumystary júrgizildi jáne 300 myńnan astam jadynamalar taratyldy.
