Almatyda 2,8 myńnan astam naýqas aýrýhanada koronavırýstan emdelip jatyr

ALMATY. QazAqparat – Almatyda koronavırýs juqtyrǵan 2,8 myńnan astam adam ınfektsııalyq aýrýhanalarda jatyr. Bul týraly onlaın brıfıng barysynda qalalyq qoǵamdyq densaýlyq basqarmasynyń ókili, telemedıtsına ortalyǵynyń basshysy Laýra Myrzaǵalı aıtty, dep habarlaıdy QazAqparat tilshisi.

«31 naýryz kúni koronavırýs ınfektsııasynyń 515 jańa jaǵdaıy tirkeldi, onyń 434 - sımptomdyq belgileri bar jáne 81 - sımptomsyz. Bir táýlik ishinde 317 naýqas qabyldandy, statsıonardan 248 naýqas shyǵaryldy»,- deıdi Laýra Myrzaǵalı.

Qaladaǵy ınfektsııalyq statsıonarlarda 5 000 tósek-oryn bar. Qazir onda 2 849 adam (107 bala) em alýda, onyń ishinde 45 naýqastyń jaǵdaıy óte aýyr.

Jalpy reanımatsııa jáne ıntensıvti terapııa bólimshesinde 152 naýqas jatyr.

Nalyk Arena sport keshenine koronavırýs juqtyryp, syrqattanýy orta deńgeıdegi naýqastar jatqyzylyp jatyr. Búgingi kúni onda 34 patsıent bar.