Almatyda 2,7 myń adam «QazVac» vaktsınasyn saldyrdy
ALMATY. QazAqparat – Almatyda bir táýlikte 6037 adam koronavırýsqa qarsy vaktsına saldyrdy, dep habarlaıdy QazAqparat tilshisi.
«4 mamyr kúni 6037 almatylyq vaktsına saldyrdy. Sonymen qatar, 25 sáýirden beri 2 723 adam QazVac vaktsınasyn aldy», - dep habarlady qalalyq Qoǵamdyq densaýlyq saqtaý basqarmasynyń baspasóz qyzmeti.
Bıylǵy jyldyń 1 aqpany men 5 mamyr aralyǵynda qalada barlyǵy 232 295 adamǵa ekpe salyndy. «Spýtnık-V» vaktsınasynyń 2 komponentin 87 214 adam aldy.
«Hayat-Vax vaktsınatsııasyn saldyrý bastaldy. Endi qazaqstandyqtarda KVI-ǵa qarsy úsh preparattyń bireýin tańdaý múmkindigi bar»,- dep atap ótti basqarmadaǵylar.
Búgingi kúni qalada 211 pýnkt jumys istep tur. 1 809 adamnan turatyn 402 egý brıgadasy bar. Sonymen qatar, 40 kóshpeli mobıldi brıgada uıymdastyryldy.
