Almatyda 2,3 mln aǵash zııankesterge qarsy bıologııalyq óńdeýden ótedi
ALMATY. QazAqparat – Almatyda aǵashtardyń qalypty jaǵdaıyn saqtaý jáne zııankesterge tózimdiligin arttyrý maqsatynda 14 sáýirden bastap qalanyń jasyl jelegin bıologııalyq óńdeý jumystary bastalady, dep habarlaıdy QazAqparat tilshisi.
Almaty ákimdiginiń málimetinshe, óńdeýden keıingi zııankesterge áserdi kúsheıtý úshin bıyldan bastap birinshi kezeńde (vegetatsııa basynda) emender tórt ret, terekter eki retten óńdeletin bolady. Buǵan deıin olar bir ret qana óńdelip kelgen, alaıda, óńdeýdiń azdyǵy tıimsiz ekeni dáleldenip, aǵashtardy saqtap qalýǵa múmkindik bermeıtini anyqtaldy.
«Jumys barysynda adamdarǵa qustar men janýarlarǵa zııansyz, klımattyq erekshelikterdi eskere otyryp QR aýmaǵynda qoldanýǵa ruqsat etilgen sertıfıkattalǵan qaýiptiligi tómen klassqa jatatyn (P-4) bıologııalyq jáne keıbir kezderde hımııalyq preparattar qoldanylady. Japyraq kemirgish jáne zeń aýrýlaryn qozdyrǵysh zııankesterge qarsy óńdeý jumystarymen 2,3 mln astam aǵashty qamtý josparlanǵan. Zııankester men aýrýlardyń bıologııalyq erekshelikterine qaraı óńdeý jumystary túnde jáne tańǵy ýaqytta júzege asyrylady», - dep habarlady ákimdikte.
Aıta keteıik, bıylǵy bıologııalyq óńdeý jumystary tórt kezeń boıynsha júrgiziledi. ıAǵnı, 14 sáýir - 20 mamyr aralyǵy, 30 mamyr - 30 maýsym aralyǵy, 10 shilde - 10 tamyz aralyǵy jáne 20 tamyz - 20 qyrkúıek araylǵynda aǵashtar óńdeletin bolady
