Almatyda 190 kópqabatty úıdiń lıftisi jańartyldy

ALMATY. QazAqparat - Almatyda turǵyn úı-kommýnaldyq sharýashylyǵyn damytýdyń memelekettik «Nurly jer» baǵdarlamasy aıasynda Áýezov aýdanyda 97 kópqabatty úıde 190 lıft jańartyldy. Bul týraly turǵyndarmen kezdesý barysynda shahar basshysy aıtty, dep habarlaıdy QazAqparat tilshisi.

«Nurly jer» turǵyn úı-kommýnaldyq sharýashylyǵyn damytý baǵdarlamasy aıasynda jyl basynan beri 8 úıdiń jalpy paıdalaný oryndary jóndeldi jáne 97 úıde 190 lıft aýystyryldy. Jyl sońyna deıin 8 úıdegi 12 lıftini qosymsha aýystyrý jáne 32 úıdegi jalpy paıdalaný oryndaryn jóndeý josparlada»,- deıdi Erbolat Dosaev.

Sonymen qatar, ol aýdan boıynsha turaqty sý basýdyń 5 ýchaskesi anyqtalǵanyn atap ótti.

« Búgingi kúni eki ýchaske joıyldy, 2022 jyldyń sońyna deıin qalǵan úsh ýchaske boıynsha jumystar aıaqtalady. Ol úshin Momyshuly kóshesinde dıametri 1 metr jáne uzyndyǵy 2,1 km jańa sý burý kanaly salynady, sondaı-aq Jubanov, Qabdolov, Ótegen batyr kóshelerindegi uzyndyǵy 3,5 km kollektor qalpyna keltiriledi. Budan basqa, 2023 jyldyń sońyna deıin uzyndyǵy 44 shaqyrym 67 kóshede aryq jelileri salynyp, qaıta jańǵyrtylatyn bolady»,- dedi Erbolat Dosaev.