Almatyda 19 ýchaskede sý ketý qaýpi bar - TJD
Onyń aıtýynsha, qalada 19 ýchaskede sý tasqyny qaýpi joǵary.
«Sý tasqyny jaǵdaıy baqylaýda, qajetti kúshter men quraldar daıyn tur. 2020 jyly Tótenshe jaǵdaılar departamenti jıi sý basatyn 20 ýchaskeni esepke alǵan bolatyn. Onyń ishindegi bir ýchaskede (Alataý aýdany, Saıaly shaǵyn aýdany, №4, №92) ákimdik rezerviniń qarajatyna aryq jelisi salynyp, qaýip tolyǵymen joıyldy.
Qalǵan ýchaskeler (Alataý-6, Medeý-2, Túrksib-7, Naýryzbaı–1, Jetisý-3) Almaty qalasynyń Jasyl ekonomıka basqarmasymen «Almaty qalasy boıynsha 376 shaqyrym aryq jelisin salý boıynsha jobalyq-smetalyq qujattamany (JSQ) ázirleý» jobasyna engizildi. Búginde jobalyq-smetalyq qujattamany ázirleý aıaqtalyp qaldy.
Naýryz aıynda memlekettik saraptamaǵa jiberiletin bolady. Bul jobany iske asyrý 2021-2023 jyldarǵa josparlanǵan», - dedi Erlan Álibekov.
Mamannyń aıtýynsha,
taýly aımaqta qazirgi ýaqytta qardyń bıiktigi 19-58 sm jetti (Úlken Almaty kóli). 2020 jyldyń 1 qazanynan 2021 jyldyń 20 aqpanyna deıin 98 mm jaýyn shashyn jaýǵan (norma 237 mm), ylǵal qory 42 mm (norma 85 mm), al qaladaǵy topyraqtyń qatý tereńdigi 41 sm bolǵan, byltyrǵy kórsetkishpen salystyrǵanda 11 sm tómen (2020jylv 52 sm bolǵan). Qala ózenderindegi gıdrologııalyq jaǵdaı turaqty. Jalpy, qar tómengi taýly aımaqta naýryz aıyna deıin, ortasha taýly aımaqta sáýir-mamyr aılaryna deıin, al joǵarǵy taýly aımaqta maýsym aıyna deıin jaýatyn bolady.
Naýryz aıyna berilgen aýa raıynyń boljamyna sáıkes osy aıdaǵy ortasha aýa temperatýrasy +4,4oS bolady, bul normadan 1oS joǵary (norma: +3,4oS). Jaýyn-shashynnyń mólsheri qalypty bolady dep kútilýde (norma 76 mm).
Byltyr qalada 30 shaqyrym aryq jelisi salynǵan bolatyn.
Budan bólek, «2021-2023 jyldarǵa arnalǵan sý tasqynyna qarsy sharalar kesheni» Jol kartasy boıynsha úsh jerde jumystar júrgizilýde.
Birinshiden, Kishi Almaty ózeni arnasynyń jekelegen ýchaskelerin qaıta jańǵyrtý boıynsha (sý bólgishten Maqataev kóshesine deıin, jalpy uzyndyǵy 8,9 shaqyrym) qazirgi ýaqytta 60 paıyz jumys oryndaldy.
Ekinshiden, Tiksaı jáne Jarbulaq ózenderi arnasynyń jekelegen ýchaskelerin qaıta jańǵyrtý (jalpy uzyndyǵy 7,15 shaqyrym) júrgizilip jatyr.
Úshinshiden, Esentaı ózeniniń arnasyn qaıta jańartý (sý bólgishten Jamaqaev kóshesine deıin, jalpy uzyndyǵy 4,2 shaqyrym) qolǵa alyndy.
Bul baǵytta jumystar 2021 jyldyń tórtinshi toqsanynda aıaqtalady.
Jalpy sońǵy bes jylda qalada 497 shaqyrym aryq jelisi salynyp, 40 shaqyrymnan astam ózen arnasy nyǵaıtyldy.
Bul sharalar sý basýy múmkin ýchaskelerdiń sanyn 3,5 esege azaıtýǵa múmkindik berdi.
Bıylǵy jylǵy sý tasqyny kezeńine daıyndyq maqsatynda 5 aqpanda Almaty qalasy ákimdiginiń janyndaǵy Tótenshe jaǵdaılar komıssııasynyń otyrysy ótti. Onda qalanyń barlyq organdaryna tıisti sharalardy atqarýǵa tapsyrmalar berildi.
Byltyr kúzde sý tasqynyna daıyndyq barysynda 400 shaqyrym aryq jelisi men 10 shaqyrym ózen arnalary qoqystardan tazartyldy.
Bıyl qys bastalǵaly beri 987 shaqyrym aryq jelisi men 30 shaqyrym ózen arnalary tazartyldy. Kósheler men aýlalardan 110 myń tekshemetr qar shyǵaryldy.
Almaty aýmaǵyndaǵy tabıǵı jáne tehnogendik sıpattaǵy tótenshe jaǵdaılardy joıý jónindegi is-qımyl jospary jańartyldy.
Almaty qalasynyń azamattyq qorǵaý qyzmeti daıyndyqqa keltirilip, jalpy sany 5126 adam, 746 tehnıka, 7 júzý quraly, sondaı-aq 73 motopompa men 99 avtonomdy elektr stantsııasy qarastyrylǵan
Azamattyq qorǵaý qyzmetterinde 10 myń dana qap, 508 tonna ınertti materıal, 42 tonna dızel otyny men 31 tonna benzın daıyndaldy.
Respýblıkamyzdyń basqa óńirlerinde sý tasqyny jaǵdaıy ýshyqqan jaǵdaıda, Almaty qalasynan jalpy sany 55 adam, 9 birlik tehnıka, 4 júzý quraly men 10 motopompa qarastyrylǵan kúsh pen quraldar jasaldy.