Almatyda 19 ekopost qoıylatyn bolady
ALMATY. QazAqparat - Almatyda kóktemde qalaǵa kiretin barlyq joldarǵa ekopost ornatý bastalady. Onda avtokólikterdiń shyǵaryndylary tekseriledi. Bul týraly Almaty ákiminiń ákiminiń birinshi orynbasary Erlan Qojaǵapanov aıtty, dep habarlaıdy QazAqparat tilshisi.
Almatydaǵy JEO-2 bazasynda Qazaqstannyń jańa ekologııalyq kodeksi talqylanýda. Іs-sharaǵa QR ekologııa, geologııa jáne tabıǵı resýrstar mınıstri Maǵzum Myrzaǵalıev, máslıhat depýtattary, qoǵamdyq keńes músheleri jáne ekobelsendiler qatysyp jatyr.
Erlan Qojaǵapanovtyń aıtýynsha, 2020 jyly Almatyda qorshaǵan ortaǵa jalpy shyǵaryndylar 140 myń tonnany qurady. Qala aýasynyń negizgi lastaýshysy – avtokólik, JEO-2, JEO-3 jáne jeke sektor.
Sonymen qatar, ol 2020 jyly Almaty ákiminiń qaýlysymen dızeldi otynmen júretin avtobýstardy satyp alýǵa tyıym salynǵanyn atap ótti.
«Búginde qalada elektrmen júretin 17 jańa avtobýs bar. Bıyl taǵy 39 avtobýs satyp alý josparda», - dedi Almaty ákiminiń birinshi orynbasary Erlan Qojaǵapanov.
Onyń aıtýynsha, kóktemde qalada 19 ekopost ornatylady.
«Almatyda kóktemde qalaǵa kiretin barlyq joldarǵa ekopost ornatý bastalady. Onda avtokólikterdiń shyǵaryndylary tekseriledi»,-dedi ol.
