Almatyda 185 myń sharshy metr jerge gúl egiledi

ALMATY. QazAqparat - Almatyda kópjyldyq jáne birjyldyq sándik ósimdikterdi otyrǵyzý jumystary bastaldy. Gúlmen ásemdeletin aýmaqtyń jalpy kólemi – 185 myń sharshy metr, sonyń ishinde 32 myń sharshy metrge kógal otyrǵyzylady, dep habarlaıdy QazAqparat tilshisi.

Qalalyq ákimdik taratqan málimetke sáıkes, megapolıste kolambýs, abba, dınastııa, raýshan, ehınatseıa, kúndizgi gúl, lavanda, shalfeı, mıskantýs, gortenzııa, begonııa, petýnıa, geran, taggetıs, salvııa jáne ózge de ósimdikter otyrǵyzylady. Almaty qalasyn dekoroatıvti gúldermen kógaldandyrý bes jylda bir ret jańartylady.

2022 jyldyń kúzgi kezeńinde jalpy aýdany 15 469 sharshy metrge badanaly gúlder otyrǵyzyldy.

«Aýa raıy qolaıly bolsa qyzǵaldaqtar mamyrdyń ortasyna deıin gúldeıdi. Qyzǵaldaqtar gúldep bolǵan soń, birjyldyq jáne kópjyldyq gúlzarlardy otyrǵyzý jumystary bastalady. Búginde kópjyldyq ósimdikterdiń úlesin arttyrý boıynsha jumystar kezeń-kezeńmen júrgizilip jatyr. Olardyń qazirgi úlesi – 60 %», – dep habarlady qala ákimdigi.

Memlekettik-jekeshelik áriptestik jobasy aıasynda qalany dekoratıvti kógaldandyrý jumystaryna 400-ge jýyq adam jáne 50-den astam tehnıka jumyldyryldy.