Almatyda 180 úı jylý men ystyq sýsyz qaldy
ALMATY.QazAqparat – Almatyda birneshe shaǵynaýdannyń turǵyndary jylý men ystyq sýsyz qaldy, dep habarlaıdy QazAqparat tilshisi.
«Jylý jelisindegi apatqa baılanysty Mendequlov kóshesi boıyndaǵy dıametri 800 mm bolatyn sý qubyry jáne Snegına kóshesiniń boıyndaǵy dıametri 300 mm sý qubyry isten shyqty. «Samal-1», «Samal-2» jáne «Samal–3» shaǵynaýdandary men Qajy Muqan – Dostyq – Chaıkın – Omarov – Baıjanov kósheleriniń boıyndaǵy úıler ystyq sý men jylýdan ajyratyldy», - dep habarlady Medeý aýdany ákimdiginen.
Ákimdiktiń habaraýynsha, barlyǵy 180 úı ajyratylǵan.
Apat saldaryn joıý jumystaryn «AlTS» JShS júrgizýde. Ystyq sý jáne jylý berý jaqyn ýaqytta qalpyna keltirilmek.
