Almatyda 18 jastaǵy jigitti zorlady degen kúdikpen kúzetshi ustaldy
ALMATY. QazAqparat - Almatyda meshitti kúzetetin fırmanyń qyzmetkeri 18 jastaǵy jigitti zorlady degen kúdikke ilindi, ony qalalyq polıtsııa ustady, dep habarlaıdy QazAqparat tilshisi.
Bul týraly tanymal advokat Aıman Ýmarova Facebook-tegi paraqshasynda jazdy.
Polıtsııa departamentiniń málimetinshe, atalǵan fakt boıynsha aryz 8 shilde kúni Bostandyq aýdandyq polıtsııa bólimine tústi.
«Іs sotqa deıingi tergeýdiń biryńǵaı tiziliminde QR Qylmystyq kodeksiniń 121-baby (jynystyq sıpattaǵy zorlyq-zombylyq) boıynsha tirkeldi, sot-medıtsınalyq saraptamasy taǵaıyndaldy. Kúdikti 1975 jyly týǵan K. esimdi azamat qazir polıtsııa bóliminde. Profılaktıkalyq sharany tańdaý máselesi sheshilýde», - dep habarlady polıtsııadan.
Polıtsııa deparatamenti atap ótkendeı, óndiris aıasynda qajetti tergeý jedel is-sharalar keshenin ótkizý josparlanyp otyr. «Tergeý amaldary tolyq, jan-jaqty jáne obektıvtilik qaǵıdattaryna sáıkes júrgiziledi», deıdi polıtsııa qyzmeti.
