Almatyda 18 mamyrdan bastap aqyly turaqtar iske qosylady
ALMATY. QazAqparat – Almatyda 18 mamyrdan bastap aqyly turaqtardyń jumysy qaıta jandanady, dep habarlaıdy QazAqparat tilshisi.
«18 mamyrdan bastap trotýarlyq tıptegi turaqtar qaıta iske qosylady. Bazarlar men mekemelerdiń janyndaǵy alańdyq turaqtar qashan ashylatyny jaqyn arada belgili bolady. Karantınge baılanysty buǵan deıin satyp alǵan barlyq abonementter men rezıdenttik kelisimder avtomatty túrde sozylatyn bolady», - dedi «AParking» kompanııasy Facebook paraqshasynda.
Alaıda ákimdik jumystyń qaıta jandanǵanyna qaramastan ákimniń ókimine sáıkes karantındik sharalardy alǵan joq.
«Barlyq parkomattar sanıtarlyq óńdeletin bolady. Turaq aqysyn qolǵap kıip alyp tóleýge, qashyqtyqty saqtaýǵa keńes beremiz. Eń abzaly onlaın tólem jasaǵan durys. iOS pen Androidte «Parkovkı Almaty» mobıldi qosymshasyn paıdalanýǵa keńes beremiz», - dedi kompanııadan.
Tótenshe jaǵdaı kezinde qala turaqtary aqysyz bolǵan bolatyn.
