Almatyda 178 mln teńgege 20 modýldik ájethana ornatylady
ALMATY. QazAqparat – Almaty Týrızm basqarmasy qalalyq dızaın-kod boıynsha ájethanaǵa modýlderin jasaý jáne ornatýǵa qatysty tender jarııalady, dep habarlaıdy QazAqparat tilshisi.
Qalada ortalyq kárizge jáne sýmen jabdyqtaý júıesine qosylǵan 20 ájethana ornatylady. Zamanaýı ájethanalar myna jerlerge qoıylady:
Dostyq dańǵyly - 2 dana, Almaty zoobaǵynyń kireberisinde - 1 dana, Kók bazardyń qasynda - 2 dana, Memlekettik qýyrshaq teatrynda - 1 dana, «Otyrar» qonaq úıiniń janyndaǵy skverge - 1 dana, Almaty qalasynyń ortalyq meshitiniń janynda - 1 dana, Arbatta - 2 dana, Panfılov kóshesinde - 1 dana, Astana alańynda - 1 dana, ««Aerovokzal» SK - 1 dana, «Jas qanat» alańy Tımırıazev pen Buqar jyraý kósheleriniń arasynda - 1, Ǵ.Músirepov atyndaǵy jastar teatry - 1, «Alataý» metro stansasy - 1, Jastar teatry - 1 , A.Baıtursynov alańy - 1 , Úlken Almaty kóli – 1, Býtakov shatqaly - 1 dana.
Sonymen birge ájethana modýlderin ornalastyrýdy tapsyrys berýshiniń qalaýy boıynsha ózgertýge bolatyndyǵy naqtylanady. Olardy ornatýdyń maqsaty - Almaty qalasynyń turǵyndary men qonaqtary úshin qolaıly jaǵdaı jasaý.
Tehnıkalyq sıpattama boıynsha, esikteri metalldan jasalǵan, eki bólmeli (erler men áıelderge) arnalǵan.
Ájethana aqyly. Tólemdi janynda ornalasqan termınal arqyly tóleıdi.
Qazirgi ýaqytta tenderge qatysýǵa ótinimder qabyldaý jarııalandy. Somasy 178,5 mln teńge.
Buǵan deıin, Almatyda dızaın-kod boıynsha salynatyn ájethana eskızderi tanystyrylǵan bolatyn. Avtorlardyń aıtýynsha, ájethana avtomattandyrylǵan júıe boıynsha jumys isteıdi. Esigi jabylǵannan keıin 15 mınýt ótken soń, eskertý dybystyq dabyl qaǵylyp, ájethana esikteri avtomatty túrde ashylady. https://kaz.inform.kz/news/almatyda-dizayn-kod-boyynsha-salynatyn-azhethana-eskizderi-usynyldy_a3592843
