Almatyda 1700 oryndyq kólik turaǵy bar HQKO ashylady
ASTANA. QazAqparat - Almatyda Almaly aýdandyq №1 HQKO bólimi mekenjaıyn ózgertti, dep habarlaıdy Qazaqparat «Azamattarǵa arnalǵan úkimetke» siltememen.
«Almaly aýdandyq №1 HQKO bólimi mekenjaıyn Súıinbaı dańǵylyndaǵy «Mereı» kesheni, 2-blok, 4-ǵımaratqa aýystyrdy. Dúısenbiden bastap HQKO azamattardy jańa mekenjaı boıynsha qabyldaıdy. Endi bólim bir rettik SMS qupııa sózin paıdalaný arqyly nemese jeke kýálikpen elektrondyq qyzmetterdi alýǵa arnalǵan 37 oryndyq tsıfrlyq qyzmetter sektorymen, sonymen qatar 4 qoǵamdyq qol jetkizý pýnktimen jabdyqtalǵan» delingen habarlamada.
Zaldyń ortasynda elektrondyq kezek taqtasy bar kútý zaly ornalasqan. Qyzmet alýshylardyń memlekettik organdardyń birinshi basshylaryna beıne-baılanys júıesinde ótinish berýine jáne onlaın beıne-keńester alýyna arnalǵan aımaq ta bar.
Munan basqa, HQO-da egov.kz, elicense.kz, goszakup.gov.kz jáne basqa portaldarda óz betinshe memlekettik qyzmetterdi alý men jumys isteý daǵdylaryn úırengisi keletinderdi oqytýǵa arnalǵan synyp jabdyqtalǵan.
Jańa ǵımarattyń jalpy aýdany myń sharshy metrden asady. Qyzmet alýshylarǵa yńǵaıly 1700 oryndyq avtoturaǵy bar. Ǵımaratqa Súıinbaı dańǵylynan nemese Qonaev kóshesi arqyly da kelýge bolady. HQO «Raıymbek batyr» metro stantsııasyna jaqyn jerde ornalasqan.
