Almatyda 1700 bala jańa jyldyq qoıylymdy tamashalady
ALMATY. QazAqparat – Almatyda 1700 balaǵa jańa jyldyq mereke uıymdastyryldy. Shyrsha toıy Ortalyq tsırkte saıqymazaqtar men ertegi keıipkerleriniń qatysýymen bastaldy. Baldyrǵandardy Aıaz ata men Aqshaqar quttyqtady, dep habarlaıdy QazAqparat tilshisi.
Almaty qalasy ákimdigi uıymdastyrǵan sharaǵa balalar úıiniń tárbıelenýshileri, múmkindigi shekteýli, áleýmettik jaǵdaıy tómen jáne kópbalaly otbasy balalary qatysty. Olardyń arasynda ozat oqýshylar da bar.
Qala ákimi Baqytjan Saǵyntaevtyń atynan balalardy Almaty ákiminiń orynbasary Erjan Babaqumarov quttyqtady.
«Jańa jyl – eń aldymen balalardyń merekesi, óıtkeni olar sıqyrǵa senedi. Sender – táýelsiz Qazaqstannyń bolashaǵysyńdar.Táýelsizdik jyldary dúnıege kelgen sender jas memleketimizben birge ósip kelsińder. Senderge densaýlyq pen baqyt tileımin, alǵa qoıǵan maqsattaryńa jetýge umtylyńdar», – dedi jańa jyldyq qoıylymǵa qatysqandarǵa Almaty ákiminiń orynbasary Erjan Babaqumarov.
Kishkentaı kórermender úshin lazerli shoý uıymdastyryldy. Tsırk artısteri men shoý-balet «Jańa jylmen, Almaty!» vokaldy-horeografııalyq qoıylymyn kórsetti. Barlyq balalarǵa syılyqtar taratyldy.
Buǵan deıin ótken qala ákiminiń shyrshasyna 200 bala qatysqan bolatyn.
