Almatyda 170 shaqyrym trolleıbýs jelileri jańartylýda
ALMATY. QazAqparat – Almatyda 170 shaqyrym trolleıbýs jelileri jańartylyp jatyr. Bul týraly Almaty qalalyq mobıldilik basqarmasy málim etti, dep habarldaıdy QazAqparat tilshisi.
Almaty qalasynda qoǵamdyq kólikterdiń jumysyn jaqsartý jáne jolaýshylar tasymaly sapasyn arttyrý maqsatynda basqarma qoǵamdyq kólikterdiń baǵyttyq jelisin ońtaılandyrý tujyrymdamasyn ázirleýdi bastady.
«Bıyl «AlmatyElektroTrans» JShS avtobýs parkine jergilikti bıýdjet esebinen gazben qozǵalatyn 150 jańa avtobýs satyp alýda», - dep habarlady Almaty qalalyq mobıldilik basqarmasy.
Trolleıbýstarǵa keler bolsaq, uzyndyǵy 172 shaqyrym bolatyn trolleıbýs jelilerin jańartý boıynsha jumystar bastaldy. Bul jumystar 2021 jyldyń aıaǵynda aıaqtalady.
Jelini jóndeý jumystary trolleıbýstardyń qozǵalysyna áser etpeıdi.
Qazir Almatyda 195 trolleıbýs bar.
