Almatyda 17 jastaǵy qyzdy óltirip, denesin órtep jiberdi degen kúdikpen eki er adam ustaldy
Almaty qalalyq polıtsııa departamentiniń málimetinshe, 27 mamyr kúni Almaly aýdandyq polıtsııa basqarmasyna 2005 jyly týǵan qyzdyń anasy júgindi.
Onyń aıtýynsha, kámelettik jasqa tolmaǵan qyzy 24 mamyr kúni úıden belgisiz baǵytta ketip qalǵan.
«E. esimdi qyzdyń qaıda júrgenin anyqtaý maqsatynda tergeý toby qurylyp, onyń joǵalyp ketýine qatysy bar adamdardy anyqtady. Olar Almaty oblysynda turatyn 1992 jáne 2001 jyly týǵan eki er adam bolyp shyqty. Qyz olarmen joǵalyp ketken kúni kóshede tanysqan»,- dep habarlady Almaty qalalyq polıtsııa departamentiniń baspasóz qyzmetinen.
Kúdiktiler 17 jastaǵy qyzdy óltirgenderin moıyndaǵan.
«Qylmystyń izin jasyrmaq bolǵan kúdiktiler qyzdyń denesin órtep, Qapshaǵaı sý qoımasyna jaqyn jerge kómip tastaǵan. Sot-medıtsınalyq saraptama taǵaıyndaldy»,- dep atap ótti departamentten.
Atalǵan qylmysty odan ári tergeýdi aýmaqtyq prıntsıpke sáıkes Almaty oblysy boıynsha polıtsııa basqarmasy júrgizetin bolady.