Almatyda 17 jastaǵy bozbalany kólik qaǵyp mert qyldy

Almatyda joldy kesip ótpek bolǵan 17 jastaǵy bozbalany kólik qaǵyp ketti, dep habarlaıdy QazAqparat tilshisi.

Almaty qalalyq Polıtsııa departamentiniń málimetinshe, jol apaty 13 qyrkúıek kúni túngi saǵat 23:55 shamasynda Alataý aýdanynda boldy.

«BMW» markaly avtokóliktiń júrgizýshisi - 1994 jyly týǵan K. esimdi azamat, Raıymbek dańǵylymen batys baǵytta kele jatyp, jaıaý júrginshi - 2006 jyly týǵan Sh. esimdi azamatty belgi qoıylmaǵan jerden soltústikke qaraı joldy kesip ótip bara jatqanda qaǵyp ketti. Jaıaý júrginshi alǵan jaraqattarynan oqıǵa ornynda kóz jumdy»,- dep habarlady vedomstvodan.

Atalǵan derek QR QK-niń 345-baby 3-bóligi boıynsha sotqa deıingi tergeýdiń biryńǵaı tizilimine tirkeldi.
Saraptamalar taǵaıyndaldy.