Almatyda 17 adam zardap shekken iri jol apaty boldy
ALMATY. QazAqparat -Almatyda 17 adam zardap shekken iri jol-kólik apaty oryn aldy. Aldyn ala nusqa boıynsha, oǵan Gelandewagen jol talǵamaıtyn kóliginiń júrgizýshisi kináli.
Bul týraly «QazAqparat» HAA tilshisine Almaty qalalyq ІІD baspasóz qyzmetiniń basshysy Saltanat Ázirbek málim etti.
Onyń aıtýynsha, djıp júrgizýshisi qoǵamdyq kóliktiń jolyn kespekshi bolyp, avtobýs jolaǵyna shyǵyp ketken. Saldarynan kólikter soqtyǵysqan.
«Olar Raıymbek kóshesiniń boıymen shyǵysqa qaraı qozǵalys kele jatty. Aldyn ala nusqa boıynsha, Gelandewagen júrgizýshisiniń jol-kólik erejesin buzýynan soqtyǵysý oryn alǵan. Kýágerlerdiń aıtýynsha, ol manevr jasap, avtobýstyń aldyna shyqpaqshy bolǵan. Zardap shegýshilerge keler bolsaq, barlyq 17 adam kómekke júgindi, olardy dárigerler tekserip jatyr. Tergeý basqarmasy QR QK 345-baby boıynsha sotqa deıingi tergeý jumystaryn bastady. Іstiń materıaldary óndiriske qabyldandy», - dedi Ázirbek.
