Almatyda 17,5 myńnan astam ShOB sýbektileri jumysyn jandandyrdy
ALMATY. QazAqparat – «Almaty» telearnasynda ótip jatqan Akimat Live tikeleı efırinde shahar basshysy Baqytjan Saǵyntaev 17 tamyzdan bastap jumysyn jandandyrǵan kásiporyndar týraly aıtty, dep habarlaıdy QazAqparat tilshisi.
Onyń sózinshe, shaǵyn jáne orta bıznes sýbektileriniń jumystaryn qaıta jandandyrý infokazakhstan.kz portalynda tirkelgen soń kezeń-kezeńimen júzege asatyn bolady. Bul jumystardy Almaty qalasynyń memlekettik bas sanıtarlyq dárigeriniń qaýlysyna sáıkes, 24 tamyzǵa deıin júzege asyrý qajet. Sanıtarlyq-epıdemıologııalyq erejelermen tanysqan soń kásipkerler sanıtarlyq normalarǵa saı akt alatyn bolady.
«Jumystyń qaıta bastalǵany týraly habarlandyrýdy barlyq sýbektilerdiń 90%-y, ıaǵnı saýda jáne oıyn-saýyq ortalyqtary, bólshek saýda jelileri jáne syıymdylyǵy 30% jáne jalpy kólemi 4 sharshy metrden aspaıtyn jabyq bazarlar, sulýlyq salondary, shashtarazdar, SPA ortalyqtary, jalpy kólemi 4 sharshy metr bolatyn sulýlyq salondary jáne taǵy basqalary berýi tıis»,– deıdi Baqytjan Saǵyntaev.
Sonymen qatar, ol vırýstyń taralý qaýpi joǵary sýbektileri jumys komıssııasynyń tekserýinen ótetinin atap ótti. Olar – saýda jáne oıyn-saýyq ortalyqtary, saýda úıleri, saýda alańy 2000 sharshy metrden astam azyq-túlik emes dúkender, sonymen qatar qyzmetkerleri arasynda KVI aýrýynyń kórsetkishi joǵary nysandar.
«19 tamyzdaǵy jaǵdaı boıynsha 17698 ótinish túsken, olardyń 14043-i (79%) maquldandy. Onyń ústine kásipkerlerdiń basym bóligi (13807) jumystaryn shaqyrtý tártibi boıynsha bastady. Qalǵandary (236) aýdandyq ákimdikter janyndaǵy monıtorıntik toptar tekserý júrgizgen soń jumystaryn bastaıdy. Eger belgili bir sebepter boıynsha ruqsat etilmese, onda kemshilikterdi túzetip, jumysty qaıta bastaýǵa bolady»,-dedi qala ákimi.
