Almatyda 1665 jumysshy men 611 tehnıka qar jınaýǵa jumyldyryldy
ALMATY. QazAqparat - Almatyda qar jaýdy, dep habarlaıdy QazAqparat.
7 aqpan túngi 02.00-den bastap Almaty qalasynda qar jaýa bastady.
Tańǵy saǵat 07.00-degi jaǵdaı boıynsha qalada 3-5 sm, taý bókteri men taýly aýdandarda – 10-12 sm qar jaýdy.
Kóktaıǵaqtyń aldyn alý maqsatynda qar jaýa salysymen joldarǵa kóktaıǵaqqa qarsy materıaldar sebilip jatyr. 611 tonna paıdalanyldy.
Trotýarlardy, jaıaý júrginshiler aımaqtaryn, qoǵamdyq kólik aıaldamalaryn, qoǵamdyq oryndardy oryndardy tazalaý jumysy uıymdastyryldy.
548 tehnıka jumysqa shyqty, onyń ishinde 202 qumshashqysh jáne 361 jol jumysshysy.
Tańerteńnen bastap 611 arnaıy tehnıka, 205 qumshashqysh jáne 1665 jol jumysshysy jumyldyryldy.
Aýdandyq ákimdikter men merdiger uıymdarda qar tazalaý jumystarynyń óndirisin baqylaý boıynsha táýlik boıy kezekshilik uıymdastyryldy.
Qazgıdromettiń boljamy boıynsha aralas jaýyn-shashynnyń túsýi úzilispen kútilýde jáne kúnniń ekinshi jartysynda aıaqtalady.
Aýa temperatýrasy búgin kúndiz 0, +2 gradýs, tuman, kóktaıǵaq.
