Almatyda 1600 turǵyn emhana aýystyrdy
ALMATY. QazAqparat – Emhanǵa tirkeý naýqanynyń alǵashqy úsh aptasynda 1600 almatylyq emhana aýystyrdy. Bul týraly onlaın brıfıng barysynda «Áleýmettik medıtsınalyq saqtandyrý qory» KEAQ Almaty qalalyq fılıalynyń dırektory Tileýhan Ábildaev málim etti, dep habarlaıdy QazAqparat tilshisi.
Tileýhan Ábildaevtyń aıtýynsha, emhana aýystyrýshylardyń sany jyl saıyn azaıyp otyrǵany baıqalady. ıAǵnı, turǵyndardyń basym bóligi turǵylyqty jerindegi emdeý mekemesiniń qyzmetine júginýdi jón sanaıdy.
«Emhanaǵa tirkeý máselesinde saqtandyrý statýsy bolýy shart emes. Patsıentter kepildendirilgen tegin medıtsınalyq kómek paketindegi qyzmetterdi saqtandyrylsa da, saqtandyrylmasa da paıdalana alady. Atap aıtqanda jedel járdem, shuǵyl kómek, áleýmettik mańyzy bar aýrýlardy emdeý, emhanadaǵy bastapqy medıtsınalyq-sanıtarlyq kómek, dári-dármekpen qamtý, pallıatıvtik kómek, statsıonarlyq jáne statsıonardy almastyratyn kómek, konsýltatıvtik-dıagnostıkalyq qyzmetter burynǵysha tegin kórsetiledi. Bylaısha aıtqanda, shuǵyl kómek elimizdiń barlyq azamattarynyń bárine birdeı kórsetilýi tıis. Ol úshin saqtandyrylǵan bolý shart emes», – deıdi Tileýhan Ábildaev.
Sonymen qatar ol Almaty qalasynda kepildendirilgen tegin medıtsınalyq kómek paketi men medıtsınalyq saqtandyrý paketi sheńberinde 73 emhana qyzmet kórsetetinin atap ótti.
«Onyń jartysyna jýyǵy – jeke menshik. ıAǵnı, tirkeý naýqany barysynda tek memlekettik qana emes, jeke menshik emdeý uıymdaryna da tirkelýge bolady. Tek tańdap alynǵan klınıka Medıtsınalyq saqtandyrý qorynyń bazasyna engen bolýy shart. Olardyń tolyq tizimi Qordyń fms.kz saıtynda ornalasqan. Bir eskere ketetin másele, bıylǵy naýqan kezinde basqa emdeý uıymyna tirkelgen turǵyndar tańdaǵan emhana qyzmetin 2021 jyldyń 1 qańtarynan bastap paıdalana alady. ıAǵnı, jyldyń sońyna deıin burynǵy emhanaǵa qaralady»,– dedi spıker.
