Almatyda 16 jastaǵy jasóspirimdi basyp ketken avtobýs júrgizýshisi qamaldy
ALMATY. QazAqparat – Almatyda avtobýs júrgizýshisi 16 jastaǵy jasóspirimdi taptap ketti. Qalalyq polıtsııa departamenti bolǵan oqıǵaǵa qatysty túsinik berdi, dep habarlaıdy QazAqparat tilshisi.
Qaıǵyly oqıǵa keshe Krasnyı Trýdovık shaǵynaýdanynda bolǵan. №10 avtobýs júrgizýshisi sońǵy aıaldamada artqa qaraı júre bastaǵanda 2003 jylǵy jasóspirimdi taptap ketken.
Jasóspirim sol jerde jantásilim etti.
«Qazirgi tańda jol oqıǵasyna baılanysty qalalyq PD tergeý basqarmasy QR QK 345-babynyń 3-bólimimen qylmystyq is qozǵady. Tergeý isi aıasynda saraptama taǵaıyndalady», - dedi polıtsııa departamentinen.
Al avtobýs júrgizýshisi QR QK 128-babyna sáıkes ýaqytsha oqshaýlaý ornyna qamaldy.
