Almatyda 16 jastaǵy oqýshy qyz bir aptadan soń tabyldy
ALMATY. QazAqparat - Almatyda bir apta buryn joǵalyp ketken 16 jastaǵy oqýshy qyz tabyldy, dep habarlaıdy QazAqparat tilshisi.
«Bostandyq aýdany ІІB qyzmetkerleri Ekaterına Klımenkonyń dostaryn túgel teksergen soń, qyzdy aman-esen tapqan. Qazirgi ýaqytta ol ata-anasynyń qasynda. Jasóspirim oqýshy úıden ózi ketip qalǵanyn jáne osy ýaqytqa deıin dostarynyń janynda bolǵanyn aıtqan», - dep málim etti Almaty ІІD baspasóz qyzmetiniń basshysy Saltanat Ázirbek.
Eske sala keteıik, 11 maýsym kúni Ekaterına Klımenkonyń ata-anasy polıtsııaǵa balalarynyń joǵalyp ketkeni týraly shaǵym túsirgen. Qyz bala 6 maýsym kúni úıinen ketip qalǵan jáne sodan keıin odan esh habar bolmaǵan. Uıaly telefony óshirýli bolǵan.
Avtor: Asel Asanova
