Almatyda 16 kitaphana jańa formatta jumys istep jatyr

ALMATY. QazAqparat - Almaty kitaphanalary jańa jumys formatyna kóshti. Bul týraly onlaın brıfıng barysynda qalalyq mádenıet basqarmasynyń basshysy Ǵanı Maılybaev málim etti, dep habarlaıdy QazAqparat tilshisi.

Onyń aıtýynsha, qalanyń 16 kitaphanasy modernızatsııalandy. Formattyń jańarýynan keıin kelýshiler sany 60% paıyzǵa ósti. Kitaphanaǵa jóndeý jumystary júrgizilgenge deıin 758 myń adam kelse, búginde oqyrmandar sany 1 260 000 jetti.

«Jańa kitaphanalar syrtqy kelbetin ózgertip qana qoımaı, jumys rejımin de ózgertti. Endi olar demalyssyz tańǵy saǵat 9.00-den keshki saǵat 20.00-ge deıin jumys isteıdi. Modernızatsııadan keıin ár kitaphanada oryndar sany artty, jeke jumysqa, is-sharalarǵa jáne ınternet-bólmelerge arnalǵan túrli buryshtar quryldy»,- deıdi basqarma basshysy.

Sonymen qatar, ol tegin shyǵarmashylyq úıirme bar ekenin tilge tıek etti.

«Modernızatsııadan keıin 90-nan astam túrli úıirme ashyldy oǵan 9 400-den astam adam qatysady. Taǵy bir aıta ketetin jaıt, bıyl Bostandyq jáne Medeý aýdandarynda 2 qalalyq kitaphana jańartylady», - dedi Ǵanı Maılybaev.