Almatyda 16 eldiń eń tanymal balýandary baq synaıdy
ASTANA. QazAqparat - Aldaǵy demalys kúnderi Almatyda halyqaralyq Bolat Turlyhanov kýbogy ótedi, dep habarlaıdy QazAqparat tilshisi.
Jyl saıyn uıymdastyrylyp kele jatqan dástúrli dodaǵa Qazaqstan balýandarynan ózge Grýzııa, Reseı, Koreıa, Belarýs, Iran, Armenııa, Vengrııa, Grekııa, Ýkraına, Polsha, Lıtva, Túrkııa, Taıland, Ózbekstan Tájikstan, Qyrǵystan bastaǵan 16 eldiń eń tanymal balýandary qatysady.
Balýandar saıysy Almatydaǵy «Halyq Arena» sport saraıynda ótedi.
Aıta keteıik, Bolat Turlyhanov - Qazaq SSR-nyń eńbek sińirgen jattyqtyrýshysy. Semeı óńiriniń týmasy. Sondyqtan bolar osyǵan deıin atalǵan doda jyl saıyn osy mezgilde Semeı qalasynda ótetin. Bıyl tuńǵysh ret Alataý bókterinde ótkeli otyr.
Halyqaralyq Bolat Turlyhanov kýbogy Búkilálemdik kúres keńesiniń (UWW) kúntizbesine engizilgen bolatyn. Osyǵan oraı balýandar olımpıadalyq oıynǵa jatatyn 59, 66, 75, 85, 98 jáne 130 keli salmaq dárejeleri boıynsha synǵa túsedi. Jarys jeńimpazdary 3 myń AQSh dollary kóleminde syıaqy alsa, ekinshi oryn ıegeri 2 myń, úshinshi oryn alǵandar 1 myń AQSh dollary kóleminde syıaqy jáne arnaıy medaldarmen marapattalady.
