Almatyda 155 myń adam koronavırýsqa test tapsyrdy
ALMATY. QazAqparat –Epıdemıologııalyq maýsymda Almaty qalasy boıynsha 155 myń test jasaldy. Bul týraly Almaty qalasynyń bas memlekettik sanıtar dárigeri Jandarbek Bekshın málim etti, dep habarlaıdy QazAqparat tilshisi.
«Statıstıkanyń óskeninen qoryqpaýǵa bolady. Bul - turǵyndardy keń kólemde testileýdiń nátıjesi. Osy ýaqytqa deıin 155 myń adam testileýden ótti. Nátıjesinde 2939 adamnan indet tabyldy. Profılaktıkalyq tekserý kezinde 997 oqıǵa tirkeldi. Onyń ishinde medıtsına, áskerı jáne áleýmettik sala qyzmetkerleri bar»,– deıdi Jandarbek Bekshın.
Onyń aıtýynsha, qaladaǵy sanıtarlyq-epıdemıologııalyq jaǵdaı turaqty. Sońǵy bir aptada Almatydaǵy juqtyrý dınamıkasy 4,6% deńgeıinde.
