Almatyda 150 myńǵa jýyq adam koronavırýsqa test tapsyrdy
ALMATY. QazAqparat – Epıdemıologııalyq kezeńde Almaty qalasy boıynsha 149866 myń test jasaldy. Bul týraly Almaty ákimi Baqytjan Saǵyntaev onlaın brıfıng barysynda aıtty, dep habarlaıdy QazAqparat tilshisi.
«Onyń 123 855-i polımerazdy tizbekti reaktsııa (PTR), 26 myńy jedel test. Testileýden negizinen medıtsına, áskerı jáne áleýmettik sala qyzmetkerleri ótti. Búgingi kúni bizde 2353 oń nátıje bar, onyń 90%-y aldyn alý sharalary kezinde anyqtaldy», - dedi Almaty ákimi Baqytjan Saǵyntaev baspasóz máslıhatynda.
Sonymen qatar, ol qaýipti toptardy jappaı testileý 5 sáýirden bastalǵanyn atap ótti.
Búgingi tańda qalada koronavırýsty anyqtaıtyn 6 zerthana jumys istep tur.
