Almatyda 150 adamdyq toı ótkizgen meıramhananyń jumysy toqtatyldy
ALMATY. QazAqparat – Almaty qalasynyń Bostandyq aýdany ákiminiń orynbasary Janar Sádýaqasova onlaın brıfıng barysynda karantındi saqtamaǵan nysandar týraly aıtty, dep habarlaıdy QazAqparat tilshisi.
Onyń aıtýynsha, aýdandaǵy monıtorıng toby adamdar kóp jınalatyn nysandarda karantın sharalary qalaı júrgizilip jatqanyn qatań baqylaýda. Tek 8 qarashadan beri 384 nysandy tekserip úlgergen. Nátıjesinde 57 nysannyń karantın erejelerin buzǵany anyqtalǵan. Ol boıynsha 7 hattama toltyrylyp, 2 mln teńgeden astam somaǵa aıyppul salyndy. Onyń ishinde 6 jaǵdaı maska taǵý rejımin buzý boıynsha tirkelgen.
«Qazir aýdandaǵy monıtorıng toptar kúsheıtilgen rejımde jumys istep jatyr.Sondaı-aq onyń qatarynda qoǵam belsendileri men Jas Otan-dyqtar, volonterler bar. Olar ótken túnde 59 nysandy tekserdi. Tekseris kezinde 51 nysan jabyq bolǵan, al 8-inde zańbuzýshylyq tirkeldi. Meıramhana, kompıýterlik klýb sııaqty 5 nysannyń jumysy birden toqtatylyp, kelýshiler shyǵaryldy. Sonymen qatar, kelýshiler sany 50 paıyzdan asyp ketken saýna tirkeldi. Budan bólek 150 adam jınalyp, qyz uzatý jasap jatqan «Han saraıy» meıramhanasynyń jumysy toqtatyldy», - dedi Janar Sádýaqasova.
