Almatyda 15 jyl boıy qashyp júrgen qylmysker ustaldy
ALMATY. Aqpannyń 18-i. QazAqparat /Erbol Azanbek/ - Almatyda quqyq qorǵaý organdarynan 15 jyl boıy qashyp júrgen qylmysker qolǵa tústi,
dep habarlaıdy QazAqparat qalalyq ІІD-niń baspasóz qyzmetine silteme jasap.
Polıtsııa qyzmetkerleriniń sózine qaraǵanda ustalǵan 42 jasar S. men sybaılastary 15 jyl buryn Almaty men Almaty oblysynda qaraqshylyq shabýyl jasap, úıler men kóshedegi adamdardy tonaýmen aınalysqan. 2 jyl ishinde olar 14 qaraqshylyq shabýyl jasap, jábirlenýshilerdiń iri kólemdegi múlikterin ıemdengen. Buǵan deıin bul toptyń 5 múshesi ustalyp, sottalǵan edi. Al endi ustalǵan S. ol kezde qashyp ketken. 15 jyl boıy qashyp júrgen qylmysker «Qarasý» shaǵyn aýdanyndaǵy jedel-izdestirý sharasy barysynda qolǵa túsken. Qylmyskerdiń sózine qaraǵanda ol sońǵy ýaqytta izdestirý toqtatyldy degen senimmen júrgen. Qazirgi ýaqytta ol tergeý ızolıatoryna qamalyp, qylmystyq is qozǵaldy.
