Almatyda 15 jastaǵy mektep oqýshysy joǵalyp ketti
ALMATY. QazAqparat – Almatyda 15 jastaǵy mektep oqýshysy izdestirilýde, dep habarlaıdy QazAqparat tilshisi.
Joǵalyp ketken oqýshy týraly aqparat qalalyq bilim basqarmasynyń Facebook paraqshasynda paıda boldy. Kúntý Sherhan Turmahanbetuly 8 synypta oqıdy.
Ol 20 aqpan kúni saǵat 14:30 úıden shyǵyp, osy ýaqytqa deıin oralmaǵan.
Balanyń ata-anasy polıtsııaǵa keshe keshki saǵat 21-de habarlasqan. Balany izdep tabý úshin arnaıy top quryldy. Onyń quramyna ıývenaldy jáne krımınaldyq polıtsııa qyzmetkerleri, ýchaskelik ınspektorlar bar.
«Іzdeý jumystaryna volonterler de tartyldy. Qazir qaladaǵy barlyq saýda úıleri men kompıýterlik klýb qyzmetkerlerine balanyń sýreti taratyldy. Іzdeý jumystary túnde bastaldy. Bala aman–esen tabylady degen úmittemiz», - deıdi qalalyq PD resmı ókili Saltanat Ázirbek.
