Almatyda 15 jastaǵy qyz joǵalyp ketti
ASTANA. QazAqparat - Almatyda 9-synyp oqýshysy Araılym Jumataeva izdestirilip jatyr, dep habarlaıdy «QazAqparat» HAA tilshisi.
Bul týraly jazbany óziniń Facebook paraqshasyna Aınur Nyǵmanova esimdi áleýmettik jeli qoldanýshysy jarııalady.
«Almaty qalasynda turatyn 9-synyp oqýshysy 15 jastaǵy Araılym Jumataeva joǵalyp ketti. Qara-kók tústi mektep formasyn kıgen. Ústinde sur plaş, arqasynda qońyr rıýkzagy bar», - dep jazady ol.
Joǵalǵan qyzdyń týystary ol týraly qandaıda bir aqparat tabylsa, myna telefondarǵa habarlasýyn suraıdy: 87026822755, 87759294643, 87021999080.
